×
  • Sport
  • Sport

    Pësoi humbjen më të thellë në karrierë, Mourinho shënjestron Kumbullën me shokë

    Insajderi
    21 October 2021 - 22:09

    Një humbje e pabesueshme për Romën e José Mourinhos. Verdhekuqtë u turpëruan 6-1 në Norvegji përballë Bodos në një mbrëmje makthi për skuadrën kryeqytetase.

    Tifozët janë të tërbuar në rrjetet sociale, pasi nuk mund ta pranojnë një poshtërim të tillë. Në përfundim të ndeshjes Mourinho e pranoi se Roma e tij është e limituar në cilësi.

    “Përgjegjësia është imja, që kam vendosur të luaj me këtë ekip. Kisha qëllime të mira, doja t’u jepja mundësinë njerëzve që punojnë shumë për të luajtur, bëra rotacion dhe u thashë lojtarëve që luajnë gjithmonë se duhej të pushonin. Fusha ishte e vështirë, por humbëm kundër një ekipi që kishte më shumë cilësi se ne”.

    Pra, është humbje për arsye teknike?

    Nëse do të mund të luaja gjithmonë me të njëjtët, do ta bëja. Sidoqoftë, ky është një rrezik i madh, ekziston një ndryshim i madh në cilësi midis një grupi lojtarësh dhe një grupi tjetër, vendosa që në këtë fazë ishte e drejtë të bëheshin këto ndryshime. Unë e di që disa lojtarë kanë limite, nuk është asgjë e re, por prisja një përgjigje tjetër. Përgjegjësia është imja”.

    A do të lërë plagë kjo disfatë?

    “Kam folur me lojtarët dhe kam qenë i sinqertë me ta, përpiqem të flas. Nuk e kam fshehur asnjëherë që jemi një skuadër me shumë limite, një gjë janë 12-13 lojtarët dhe tjetër gjë pjesa tjetër. Tani askush nga ju nuk do të më thotë pse luajnë gjithmonë të njëjtët në formacion”.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark