Policia e Kosovës ka treguar kronologjinë e rastit të djeshëm në Fushë Kosovë, ku mbeten dy gra të plagosura e një burrë i vrarë.

Në raportin e policisë thuhet se dy viktimat femra kosovare për shkaqe ende të panjohura janë qëlluar dhe plagosur me armë zjarri nga i dyshuari mashkull kosovar i cili gjendej në arrati,

Viktimat për tretman mjekësor janë dërguar në QKUK.

Më vonë është pranuar informata për vendndodhjen e të dyshuarit ku zyrtarët policorë e kanë urdhëruar të dyshuarin që të dorëzohet, mirëpo i njëjti ka shtënë me armë në drejtim të zyrtarëve policorë.

Gjatë shkëmbimit të zjarrit me policinë i dyshuari dyshohet se ka qëlluar veten dhe i njëjti ka ndërruar jetë.

Në vendin e ngjarjes kanë dalë njësitë relevante policore si dhe është njoftuar Inspektorati Policor.

Të gjitha veprimet e nevojshme hetimore janë duke u marrë në koordinim me prokurorin e shtetit.