Gjatë ditës së sotme janë dëgjuar gjuajtje me armë zjarri në fshatin Bardhosh të Prishtinës. Si pasojë e të shtënave me armë zjarri dy persona kanë mbetur të plagosur.

Rastin e ka konfirmuar për Gazetën Insajderi Policia e Kosovës. Sipas tyre viktimat janë plagosur nga persona të panjohur.

Viktimat janë dërguar për trajtim mjekësor në QKUK, ndërsa motivet e plagosjes mbeten akoma të panjohura.

“Rreth orës15:30 është pranuar informata për një rast të plagosjes me armë zjarri të ndodhur në fshatin Bardhosh të komunës së Prishtinës. Policia ka dalë në vendin e ngjarjes dhe mbështetur në të dhënat e para, janë ngritur dyshimet se dy persona janë plagosur me armë zjarri nga persona aktualisht të panjohur.

Gazeta ka kontaktuar mjekun kujdestar në Klinikën Emergjente, Bastri Sejdiu i cili ka thënë se gjendja e tyre është e rëndë.

“Janë në sallat e Kirurgjisë, gjendja e tyre është e rëndë, viktimat janë të moshave të 70-at bëhet fjalë për një burrë dhe një grua”, ka thënë Syla për Insajderi.