Mesfushori i Arsenal, Granit Xhaka shënoi golin e tretë për ‘Topçinjtë’ në fitoren kundër Tottenham Hotspur me rezultat 3-1.

Ai përveçse arriti të shënoi gol, pati edhe paraqitje të mrekullueshme me ç’rast u zgjodh edhe lojtari i ndeshjes.

Në intervistën pas ndeshjes Xhaka u shpreh shumë i lumtur për golin e tij të parë në derbi kundër Spurs.

”Është goli im i parë në derbi në Angli. Unë jam më se i lumtur që arrita të ndihmoj ekipin, sigurisht. Gjëja më e rëndësishme është skuadra. Jam shumë i lumtur që arrita t’i ndihmoj,” tha ai.

Golit të Xhakës iu gëzuan shumë fansa të Arsenalit, por reagimi i disa prej tifozëve të faqes së njohur “AFTV” tregon me të vërtetë sa shumë janë “dashuruar” me mesfushorin shqiptar.

VIDEO:

Falë golit të Xhakës dhe golave të Thomas Partey dhe Gabriel Jesus, Arsenal të paktën edhe për një javë do të jetë në pozitën e parë në tabelë.

Skuadra e drejtuar nga Mikel Arteta ka 21 pikë, një më shumë se Man City e cila pozicionohet në vendin e dytë.