Policia e Kosovës – Drejtoria Rajonale e Policisë në Pejë, me urdhëresë të Gjykatës Themelore në Pejë, ka lëshuar kërkesë për bashkëpunim me qytetarët për arrestimin e Agim Dreshaj i lindur më 01.09.1967 në fshatin Prigodë të Istogut.
Lidhur me këtë ka reaguar avokatja e Agim Dreshajt, Aurora Mulhaxha.
Ajo ka njoftuar se i mbrojturi i saj asnjëherë nuk është ftuar nga organet kompetente. Thekson se ai jeton në Gjermani.
Mulhaxha poashtu ka thënë se Dreshaj, lajmin e tij për kërkim nga policia e ka kuptuar nga mediat.
“Ju njoftojë se lidhur me flet kërkimin e Agim Dreshaj kam marr Autorizim për përfaqësim. I mbrojturi im reagon me shumë përgjegjësi, dhe se ky publikim është cenim i të drejtave dhe lirive. I mbrojturi im asnjëherë nuk është ftu nga Policia, Prokuroria apo Gjykata për tu procedu. I njëjti jeton në Gjermani, dhe vetëm nga mediat e ka kuptu që po kërkohet nga Gjykata. Ky veprim me kërkim publik ka qenë dashur të bëhet në qoftëse është dërgu ftesë dhe i ka ik thirrjes së Gjykatës ose organeve të Drejtësisë. Shumë shpejt do përballet me të vërteten”, ka thënë ajo shkruan Insajderi.
Përkundër kërkimit të tij nga Policia e Kosovës, Agim Dreshaj nuk fshihet dhe mban rrjete sociale. Ai është aktiv në llogarinë e tij në rrjetin social Facebook.