Policia e Kosovës është mobilizuar në gjithë vendin për të zbatuar masat e ndërmarra nga institucionet për parandalimin e përhapjes së koronavirusit.
Zbatimin e platni operativ për këtë çështje, po e bënë edhe Drejtoria Rajonale e Policisë, në Gjilan, e cila në 24 orët e fundit ka shqiptuar 61 fletë paraqitje në polici për mos respektimt ë masave kundër Covid-19.
“Policia e Kosovës, Drejtoria Rajonale Policisë në Gjilan vazhdon zbatimin e planit operativ dhe realizimin e vendimeve të institucioneve shtetërore në parandalim të përhapjes së pandemisë. Policia e Kosovës, gjatë zbatimit të masave të ndërmarra nga Qeveria e Kosovës dhe institucionet e Shëndetësisë si pasojë e pandemisë Covid 19, për njëzet e katër orët e fundit, në të gjitha shtatë komunat e rajonit të Gjilanit, kanë shqiptuar gjithsej gjashtëdhjet e një (61) fletë paraqitje për mos respektim të këtyre masave”, thuhet në një njoftim të Policië.
Me këtë rast, organet e rendit kanë ftuar qytetarët që t’i respektojnë masat e ndërmarra nga Qeveria e Kosovës.
“Policia e Kosovës i thërret dhe apelon te qytetarët që ti respektojnë me përpikëri masat e ndërmarra nga ana e Qeverisë, ne dhe të gjitha institucionet e shtetit e kemi vetëm një qëllim mbrojtjen e shëndetit të qytetarëve tanë, në të kundërtën moszbatimi i këtyre masave do të ketë konsekuenca ligjore”, theksohet në njoftim. /Insajderi.org