Policia e Kosovës është furnizuar me 14 mijë blloqe të fletëparaqitjeve për kundërvajtje, të premten.
Në mungesë të blloqeve, institucioni i policisë ka kontraktuar një kompani private për furnizimin me blloqe për shqiptimin e gjobave. Ka paguar rreth 24 mijë euro.
Sipas njoftimit të publikuar në uebsajtin e prokurimit publik, e-prokurimi, Policia ka zgjedhur një procedurë të përshpejtuar për lidhjen e kontratës me kompaninë “Berati” N.G.B.L..
Sipas dosjes së tenderit, procedura tenderuese ka zgjatur katër ditë, raporton Gazeta Insajderi.
Policia e Kosovës, gjatë javëve të fundit, ka shqiptuar afërsisht nga një mijë gjoba për 24 orë. /Insajderi.org