Një femër është lënduar në aksidentin e mbrëmshëm, ku ishte përfshirë edhe njëra nga eskortat e kryeministrit Albin Kurti.

Në raportin 24-orësh të Policisë së Kosovës thuhet se shkak i aksidentit dyshohet të jetë pakujdesia e shoferit të veturës civile.

Sipas policisë aksidenti ka ndodhur rreth orës 18:37.

“Është raportuar për një aksident trafiku ku janë përfshirë një veturë civile dhe një veturë zyrtare, pasi që dyshohet se vetura civile nga pakujdesia ka shkaktuar aksidentin. Përveç dëmeve materiale lëndime trupore ka pësuar e dyshuara dhe e njëjta është dërguar për tretman mjekësor dhe më pas është liruar në shtëpi”, thuhet në raport.

Për këtë aksident mbrëmë foli edhe kryeministri Kurti. Ai tha se kishin fat në fatkeqësi, pasi askush nuk u lëndua rëndë. /Insajderi