×
  • Lajme
  • Aktuale

    Policia ndan detaje dhe fotografi nga vendi i ngjarjes ku bëhej kontrabanda në Veri

    Insajderi
    11 August 2023 - 16:26

    Pesë veturat dhe një kombi në fshatin Çeçevë të Zubin Potokut kanë refuzuar të ndalen para Policisë së Kosovës, kësisoj personat e dyshimtë kanë filluar të gjuajnë me armë zjarri në drejtim të policëve. PK njofton se në këtë rast janë arrestuar pesë persona dhe një tjetër është arratisur.

    “Si rezultat i aktiviteteve policore në brezin kufitar, më 11.08.2023, rreth orës 03:20, bazuar edhe në informata që ka poseduar policia, ka reaguar në fshatin Kovaç (Farkëtarët), zona e përgjegjësisë e Stacionit Policor Kufitar-Jasenovik. Në këtë rast janë arrestuar pesë persona të dyshuar për kontrabandë me mallra dhe sulmë ndaj personit zyrtar, ndërsa një person i dyshuar ka arritur të shmanget arrestimit dhe është larguar në drejtim të panjohur”, thuhet në njoftim.

    Shkëmbim zjarri mes Policisë dhe disa personave në veri – pas përpjekjeve për të ndaluar kontrabandën

    Po ashtu në njoftim bëhet e ditur se për të vënë situatën nën kontroll dhe për të evituar sulmin e mëtejmë, e për të eliminuar çdo rrezik të mundshëm ndaj zyrtarëve policorë, janë përdorur pajisjet zyrtare “konkretisht armët e zjarrit nga zyrtarët policorë të përfshirë në këtë rast”.

    Tutje në njoftim bëhet e ditur se në këtë operacion, janë sekuestruar katër vetura të cilat kanë qenë të përfshira në rastin konkret ku një njërën prej tyre është hasur një sasi e cigareve të cilat dyshohet se ishin duke u kontrabanduar përmes rrugëve ilegale nga Serbia.

    May be an image of van
    May be an image of car and van

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika
    Kosovë
    25 February 2024

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark