Katër persona janë shoqëruar në Stacion Policor në Prishtinë, pasi kanë prishur rendin dhe qetësinë publike.

Lajmin për Gazetën Insajderi e ka bërë të ditur zëdhënësja e Policisë së Kosovës në Rajonin e Prishtinës, Flora Ahmeti.

Sipas saj, rasti ka ndodhur si pasojë e një mosmarrëveshjeje mes personave në fjalë.

“Sot rreth orës 17:20 është pranuar informata për një mosmarrveshje në në rrugën ” B” në Prishtinë. Me të marrë informatëm policia, ka arritur në vendin e ngjarjes, dhe ka shoqëruar 4 persona në stacion policor. Në koordinim me prokuronin e shtetit ngjarja procedohet si kundërvajtje, (Prishje e rendit dhe qetësisë Publike), konform Ligjit mbi Rendin dhe Qetesinë Publike”, tha Ahmeti.