Portokalli është një nga agrumet më të mira të stinës. Përtej vlerave të frutit, ju sjellim një ide që nuk duhet ta humbni.

Të gjithë ne i duam recetat që janë unike, të mira për shëndetin dhe të shkëlqyera për shijet tona, ju sjellim këtë ide super.

Nuk ka asnjë mundësi që kjo recetë të mos ju pëlqejë! Thjesht hidhini një sy këtyre portokalleve të pjekur mrekullueshëm!

Nëse i përgatisni vetë ato, ju garantojmë se do të bëheni qendra e bisedës dhe do të prekni majat e shijes.

Përdorimi i pak mjalti cilësor shqiptar do t’ju sjellë një karamelizim të bukur. Pasi ofroni një kontrast të shijshëm të ëmbëlsisë përballë shijes së veçantë të agrumeve.

Lajmi i mirë është se portokallet e pjekura jo vetëm që duken të mahnitshëm, por janë krejt të thjeshtë për t’u bërë.

Lehtësia e përgatitjes është një plus i madh kur jeni me nxitim ose kur keni nevojë për një recetë të thjeshtë, por mbresëlënëse.

Pasi t’i piqni dhe të hapni furrën, era në kuzhinë dhe në shtëpi do të jetë veçanërisht e mrekullueshme.

Përbërësit e recetës me portokalle të pjekura

4 kokrra portokallesh të mëdha

1 lugë çaji kanellë

1 lugë kafeje pluhur vanilje

2 lugë çaji sheqer kokërmadh

Mjaltë sipas dëshirës

Mënyra e përgatitjes së portokalleve të pjekura

Vendoseni furrën në 200 gradë celsius. Prisni portokallet me gjithë lëkurë në feta jo më të trasha se gjerësia e gishtit tuaj të vogël.

Mos i përdorni majat dhe fundet pasi rriskat e tyre kanë sasi më të vogël të tulit të portokallit.

Hiqini farat nga fetat e portokajve dhe jeni gati për pjekjen.

Hapni një letër pjekje dhe radhitni mbi të fetat e portokallit.

Spërkatini me sasinë e dëshiruar të sheqerit duke u munduar të përdorni sasi të vogël.

Gjithashtu spërkatini me kanellë dhe pak vanilje pluhur.

Piqini në furrë për 10-15 minuta.

Duhet të keni parasysh që mjaltin ta shtoni vetëm pasi t’i keni nxjerrë nga pjekja pasi mjalti humbet cilësitë nën temperatura të larta.

Sapo t’i nxirrni nga furra, spërkatini me mjaltë në sasinë që dëshironi dhe kështu do të përfitoni karamelizimin e duhur.

Shërbejini të ngrohta ose të ftohta dhe do të merrni urimet më të mira nga ata që do ta provojnë.