Ish përzgjedhësi i Përfaqësueses së Kosovës U-21, Rafet Prekazi ka mbetur i habitur se si futbollistët nuk vraponin në derbin ndërmjet KF Dritës dhe KF Prishtinës, të cilin e fituan mysafirët nga kryeqyteti me rezultat 1:2, raporton Insporti.com.

Prekazi duke analizuar derbin e sotëm, ka deklaruar se futbollistët e skaudrës gjilanase nuk janë angazhuar sa duhet në pjesën e dytë, përkundër se kanë kualitetet të larta.

“E çuditshme lojtarët nuk u angazhuan, bëhet fjalë për një skuadër me kualitete”.

Me këtë fitore, Prishtina renditet në pozitën e tretë me 63 pikë të grumbulluara, një më pak se sa Drita që është në të dytën me 64 pikë, aq sa edhe Ballkani në të parën.

Fitorja e sotme është e katërta sezonale e Prishtinës ndaj Dritës. /Insporti.com/