Sot janë bërë dy vite prej kur Lëvizja Vetëvendosje i fitoi zgjedhjet nacionale.
Pas publikimit të rezultateve kreu i kësaj partie, Albin Kurti mbajti një fjalim së bashku me Vjosa Osmanin e cila ishte në një listë me VV-në.
I entuziazmuar, Kurti deklaroi se nuk do të hakmerren ndaj askujt, por do të kërkojnë përgjegjësi ndaj secilit.
“Drejtësi pa hakmarrje”, e quajti ai.
Po ashtu, ai premtoi se në qeverisjen e tij nuk do të ketë nepotizëm.
“Rruga përpara është e gjatë do të kemi pengesa e do të bëjmë ndonjë gabim por qëllimin e kemi të mirë. Pa korrupsion e pa nepotizëm në administratë, me përgjegjësi do ta dekromatizojmë vendin tonë”, deklaroi Kurti.
Por në dy vjetorin e fitores, Kurti nuk mund ta mbajë më kokën lartë. Kjo për faktin se ai dhe partia e tij, e shkelën fuqishëm këtë premtim.
Deri më tani numër i madh i familjarëve, miqve e militantëve janë punësuar në institucionet publike pikërisht nga qeveria që Kurti udhëheq. /Insajderi