Princi Harry është rikthyer edhe një herë në Kaliforni.

Princi Harry u kthye në Shtetet e Bashkuara të Shtunën, pas ribashkimit të tij në Mbretërinë e Bashkuar me Princin William, shkruan ET.

Harry dhe William u bashkuan të enjten në Pallatin Kensington në Londër, Angli për të zbuluar statujën e shumëpritur të nënës së tyre të ndjerë, Princesha Diana.

Pas disa ditësh në zonë, Harry u kthye përsëri në Kaliforni, fotot e marra nga Daily Mail tregojnë Harry në Aeroportin Ndërkombëtar të Los Angeles të Shtunën në mëngjes.

Zbulimi i statujës i cili ndodhi në atë që do të kishte qenë ditëlindja e 60-të e Diana, erdhi mes raporteve të tensionit pas daljes së Harry nga detyrat e larta mbretërore dhe intervistës së tij gjithëpërfshirëse me Oprah Winfrey.

Ekspertja mbretërore Katie Nicholl i tha ET se vëllezërit u bashkuan për të paraqitur një “front të bashkuar” në ngjarje.

“Unë mendoj se të dy ata kanë dashur që sot të jenë rreth statujës, për të kujtuar trashëgiminë e Dianës, dhe jo për përçarjen që ka lënë në hije mbulimin e familjes mbretërore për 18 muajt e fundit”, ndau Nicholl.