19:08 - 08 Shkurt 2016

Klubi i Futbollit Prishtina është pajisur me fanella sportive të brendit “Hummel”, të cilat kanë ardhur si ndihmesë nga klubi gjerman, Greuther Furth, njofton faqja zyrtare e KF Prishtinës.

Prishtina dhe Greuther Furth kanë filluar një bashkëpunim që nga sezoni i kaluar, kur presidenti i klubit gjerman Helmut Hack, pati vizituar Kosovën.

fanella

Klubi gjerman pritet ta ndihmojë edhe më tej skuadrën bardhekaltër me pajisje të ndryshme, me tuta sportive e gjëra të tjera, thuhet në komunikatën e faqes zyrtare të klubit prishtinas.