Prishtina do të luajë nesër ndaj Trepçës 89’ në kuadër të xhiros së nëntë të Superligës së Kosovës.

Ndonëse iu kumtua vendimi se nuk mund të luajë për muajin tetor në “Fadil Vokrri”, vetë faqja zyrtare e klubit paralajmëron se sfida zhvillohet në po atë stadium.

Madje, në njoftimin e tyre thuhet se biletat do të jenë falas për të gjithë tifozët që duan ta shohin nga afër ndeshjen.

Kryeqytetasit e shfaqen hapur mospajtimin me vendimin që të mos luhet në “Fadil Vokrri”, kësisoj vendosën që të mos ndërrojnë lokacion.