Nol Nushi, anëtar i Kryesisë së PSD-së tha sot se kanë informacione se Prokuroria tashmë ka ngritur kallëzim penal ndaj ambasadorit të Kosovës në Kroaci, Martin Berishajt.

Një gjë të tillë e ka mohuar zëdhënësja e Prokurorisë së Shtetit, Liridona Kozmaqi.

Për Insajderin ajo ka thënë shkurt se nuk ka asnjë aktakuzë ndaj Berishajt.

Martin Berishaj është i përfshirë në një skandal të madh financiar që përmban miliona euro transaksione nëpër banka dhe qindra mijëra të bartura cash mes Kosovës, Malit të Zi e Sllovenisë. /Insajderi