Protesta e ditës së djeshme nga mitrovicasit e Lagjes së Boshnjakëve dhe asaj 2 Korriku për ajër të pastër duke potencuar faktin se po ndjehen të rrezikuar nga gazrat që lirohen nga fabrika e riciklimit të vajrave që e kanë afër, ka dhënë rezultat.
Ka qenë vetë i pari i Mitrovicës, Agim Bahtiri, i cili për gazetametro.net ka konfirmuar se sot ka dalë në vendin e ngjarjes dhe së bashku me inspektoratin e Ministrisë së Mjedisit dhe Planifikimit Hapësinor kanë ndalur punën e fabrikave.
Në Mitrovicë protestohet për diçka që nuk ka të bëjë me probleme ndëretnike
‘Sapo erdha prej vendit të ngjarjes. I kam thirr edhe Ministrinë dhe ata i kanë dërguar inspektoratin e tyre. Dhe, jemi kanë në vend të ngjarjes dhe i kemi ndalë puntë’, ka thënë Bahtiri për Metron.
Bahtiri sqaron se njëra nga fabrikat nuk kishte qenë në funksion sot, ndërkohë njëra edhe pse ata e mohonin, verëhej që kishte qenë në punë. Por, Bahtiri shprehet i sigurt se puna nuk do të vazhdojë aty pasi, siç tha ai, inspektorati do të kujdestarojë./Insajderi.com