Nisja për pushime është për të gjithë ne një nga gjërat më të bukura dhe emocionuese të vitit. Por nga përgatitja dhe paketimi i valixhes, deri te sigurimi se do jeni në aeroport në kohë mund të jetë pak stresuese.

Kjo është arsyeja pse nuk është për t’u habitur që mund të keni një moment paniku në mes të udhëtimit sikur keni harruar diçka të madhe, si fikja e shporetit.

Një mënyrë për të mos u shqetësuar se keni harruar të fikni diçka është të krijoni një provë të vogël duke shkrepur një foto dhe duke e shtuar atë në një album fotografik të gatshëm për pushime në telefonin tuaj.

Po ashtu mund t’i bëni një foto edhe të garazhit tuaj të mbyllur, pajisjeve elektrike të shkëputura nga priza, madje edhe numrave të sobës, në mënyrë që kur të filloni të shqetësoheni, thjesht mund të shikoni albumin tuaj fotografik, të merrni frymë thellë dhe të ktheheni për pushimet tuaja. Shkrepja e fotografisë mund të jetë gjithashtu më e mirë për disa njerëz sesa kontrollimi i dyfishtë për t’u siguruar që e keni fikur vërtet shporetin. Pra, nëse shkrepja e një fotoje ju ndihmon të reduktoni ankthin, provojeni.