×
  • Sport
  • Sport

    PSG do ta shkarkoj Galtierin në fund të sezonit

    Insajderi
    25 May 2023 - 15:08

    PSG nuk do të udhëhiqet nga Christophe Galtier në sezonin e ardhshëm. Kështu raporton e përditshmja franceze sportive “L’Equipe”.

    Ky pritet të jetë epilogu i këtij fundedicioni pasi PSG me Galtier përjetoi një fiasko në Ligën e Kampionëve.

    PSG fillimisht nuk arriti të fitojë vendin e parë në grup, e më pas në 1/16 u eliminuan nga Bayern Munich.

    “L’Equipe” shkruan se këto ditë klubi do të shqyrtojë me kujdes kë të sjellë në vend të Galtier.

    Trajnerit të ri do t’i duhet të bëjë një rikonstruksion të plotë të skuadrës, ku nuk do të jenë yjet e mëdhenj si Lionel Messi dhe Neymar.

    Sipas gazetës franceze, emri i parë në listë është trajneri aktual i Romës, Jose Mourinho. Me kalimin në Paris, portugezi do të kishte mundësinë të rikthehej në skenën më të madhe dhe të luftonte sërish për titullin e kampionit të Evropës.

    Konkurrentë për të marrë drejtimin e PSG-së janë edhe trajneri i Bolognas, Thiago Motta dhe Marcelo Gallardo, i cili ka mbetur pa punë që nga largimi nga River Plate.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark