×
  • Sport
  • Sport

    PSG-ja i rikthehet fitoreve në Ligue 1

    Insajderi
    01 February 2023 - 23:26

    Paris Saint-Germain është rikthyer te fitoret në elitën e futbollit francez. Parisienët mposhtën në udhëtim Montpellierin me rezultatin 1:3.

    Mbappe humbi penalltinë në minutën e 10-të. Ajo u përsërit edhe njëherë, por prapë francezi dshtoi të realizonte. Mbappe 11 minuta më pas u detyrua të largohej nga loja për shkak të një lëndimi të pësuar.

    Në minutën e 35-të Leo Messi shënoi, por goli u anulua nga VAR-i për shkak të pozicionit jashtë lojë. E VAR-i ishte protagonist edhë në minutën e 52-të për ta anuluar golin e Hakimit.

    Tre minuta më vonë, Fabian Ruiz zhbllokoi shifrat dhe kaloi mysafirët në epërsi. Rezultati u dyfishua nga Messi në minutën e 72-të, para se Montpellier të ngushtonte epërsinë në minutën e 89-të nëpërmjet Nordin. Krejt në fund të ndeshjes Zaire-Emery shënoi për 1:3.

    Me këtë fitore, PSG shkon në kuotën e 51 pikëve në vendin e parë, pesë më shumë se Marseille që gjendet në vendin e dytë. Në anën tjetër, Montpellier mbetet i 14-ti me 20 pikë të grumbulluara.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark