“Krejt dhe drejt”, është slogani i Lëvizjes Vetëvendosje për zgjedhjet parlamentare të 14 shkurtit.

Slogani është bërë zyrtar nga Albin Kurti, kandidati për kryeministër i Lëvizjes Vetëvendosje. Kurti e ka publikuar sloganin përmes rrjetit social Facebook.

“Referendumi që do ta kthejë Kosovën kah e mbara, nuk mund të ndalet!”, ka shkruar Kurti në prezantimin e sloganit përmes një fotografie në Facebook.

Kurti, megjithatë nuk do të jetë pjesë e listës së Lëvizjes Vetëvendosje për deputet. Atij i është ndaluar kandidimi nga Komisioni Qendror i Zgjedhjeve, për shkak të mos certifikimit të tij nga organi që organizon zgjedhjet.

Arsyeja e mos certifikimit të tij nga KQZ-ja ndërlidhet me faktin se ai është dënuar me vendim të formës së prerë të gjykatës brenda tri viteve të fundit. /Insajderi.org