Serialit tashmë të popullarizuar të Netflix, “La Casa De Papel”, duket se po i vjen fundi.
Është bërë e ditur se sezoni i fundit i këtij seriali do të publikohet më 3 dhjetor të këtij viti.
Faqja zyrtare e tyre në Instagram ka shpërndarë edhe ‘trailer-in’ duke treguar pak më shumë nga “Money Heist”.
Në këtë pjesë, u paralajmërua një fund dramatik për personazhin e Lisbonës, e cila shihet duke u arrestuar nga Policia.
Sezoni i pestë u përbë nga dy vëllime, i pari që u soll më 3 shtator dhe pjesa tjetër që do të vijë më 3 dhjetor.
“La Casa de Papel” ndërkohë u cilësua si shfaqja më e suksesshme në historinë e Netflix për kategorinë e serialeve të gjuhës jo-angleze.
Megjithatë, këto ditë është përfolur se rekordi është thyer nga seriali korean “Squid Game” që zuri vendin e parë në 90 vende të ndryshme të botës.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2024 Gazeta Online Insajderi - Të gjitha të drejtat e rezervuara.
