15:19 - 25 Nëntor 2021

Zyra për Komunikim Publik e Qeverisë së Kosovës u ka dërguar mediave komunikatë se Kuvendi i Kosovës e ka miratuar buxhetin për vitin 2022.

Ani pse ende në Kuvendin e Kosovës nuk ka përfunduar shqyrtimi për Projektligjin për buxhetin, Qeveria u “përkujdes” që me komunikatë të konsideroj si punë të kryer miratimin e buxhetit.

Pas disa minutash që kishin dërguar komunikatën, qeveria u arsyetua se ky ishte një gabim teknik.

“Ju njoftojmë se komunikata e dërguar më parë me titull ‘Kuvendi miraton buxhetin e vitin 2022’, ka qenë një lëshim teknik, andaj ju lutemi që ta injoroni atë. Ju faleminderit për mirëkuptimin tuaj!”, thuhet në komunikatën e dytë.