Mbrojtësi spanjoll Sergio Ramos, ka regjistruar 20 përjashtime si lojtarë Real Madridit në karrierën e tij.

Ramos ka qenë një titullar i padiskutueshëm në mbrojtjen e madrilenëve, që kur ishte transferuar te ky klub, 10 vite më parë.

Sidoqoftë ai nuk dallohet vetëm për kualitetet e tij në repartin defanziv por i njëjti është futur në analet e historisë së skuadrës madrilene si lojtari me më së shumti përjashtime të regjistruara ndonjëherë.

Dy kartonat e verdhë kundër Las Palmas e bënë atë lojtarin me më së shumti përjashtime te kjo skuadër. Duke u detyruar të bëjë dush para kohe, hiç më pak se 20 herë.

Nga këto 20 përjashtime, 5 prej tyre kanë qenë direkt me të kuq. Pavarësisht këtij rekordi ‘katastrofik’ me Realin, ai nuk është përjashtuar asnjëherë me Kombëtaren e Spanjës.