×
  • Lajme
  • Lajme / Kosovë

    Rasti “Ivanoviq”, të akuzuarit lirohen nga masat e sigurisë

    Insajderi
    15 February 2023 - 20:58
    Klikoni Këtu për t'u bërë pjesë e kanalit të Insajderit në Youtube.

    Gjykata Themelore në Prishtinë iu ka ndërprerë të gjitha masat e sigurisë të akuzuarve për vrasjen e politikanit serb Oliver Ivanoviq.

    Lirimin e të akuzuarve Marko Roshiq, Nedelkjo Spasojeviq, Dragisha Markoviq, Zharko Jovanoviq, Silvana Arsoviq dhe Rade Basara e ka konfirmuar për “Betimi për Drejtësi”, avokati i të akuzurës Arsoviq, Musa Damati.

    “Po, e kemi pranu, sot e kemi pranu aktvendimin e veçantë të Gjykatës Themelore, Departamenti Special në Prishtinë, në bazë të cilës është bërë ndërprerja e të gjitha masave të sigurimit të prezencës së të akuzuarve për të gjithë të akuzuarit”, ka thënë avokati Damati, përcjell Klankosova.tv.

    Sipas avokatit Damati, të gjithë të akuzuarit kanë qenë nën masën e paraqitjes në stacionin policor.

    Seanca fillestare në këtë rast ishte mbajtur më 11 shkurt në vitin 2020, kurse Gjykata Themelore në Prishtinë më 6 prill të njëjtit vit, kishte refuzuar kërkesat për hudhjen e aktakuzës dhe kundërshtimet e provave.

    Pas ankesave të katër avokatëve, Gjykata e Apelit kishte aprovuar ankesat e mbrojtësve dhe çështja ishte kthyer në rivendosje.

    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark