Një ndër skuadrat që ju bashkua Superligës Evropiane është dhe Interi, por tifozët kanë dalë kundër këtij veprimi, transmeton Insporti.

Udhëheqësi i tifozerisë zikaltër, Roberto Boseti u shpreh me tone të larta, teksa e krahasoi këtë veprim me ‘’mbeturinat’’ e NBA-së.

‘’Futbolli është për të gjithe dhe nuk ka të bëjë me Super Liga, por me njerëzit, me atë që ata ndjejnë. Ne nuk jemi të interesuar të shikojmë Interin kundër Mançester Sitit ose Real Madridit pa shkuar një herë në Pragë, Varshavë apo dhe në Benevento, në javën e 24-të të kampionatit. Këta duan të ndjekin hapat e mbeturinave të NBA-s’’, u shpreh kreu i tifogrupit zikaltër.

Ndryshe, këtë Superligë e kanë kundërshtuar ashpër FIFA dhe UEFA që kanë paralajmëruar klubet dhe lojtarët që do të marrin pjesë në këtë kompeticion dhe poashtu edhe Presidenti i Francës, Macron. /Insporti.com