10:36 - 13 Tetor 2021

Kryetari i Komunës Jugore të Mitrovicës, Agim Bahtiri, ka reaguar lidhur me aksionin e Njësisë Speciale të Kosovës në veri të vendit lidhur me kontrabandën. Ai ka kërkuar nga qytetarët që të mos bien pre e ngacmimeve po të sillen me maturi.

“Kërkoj nga qytetarët e Mitrovicës qetësi dhe maturi, në mënyrë që të mos bien në grackën e strukturave kriminale serbe në komunën e veriut”, tha Bahtiri.

Ai kërkoi nga policia që të kujdesen për sigurinë e qytetarëve.

“Kërkoj nga policia që të kujdesen për sigurinë e qytetarëve shqiptarë që jetojnë në komunën veriore të Mitrovicës”, është shprehur Bahtiri.

Mëngjesi e sotëm Njësia Speciale e Kosovës ka nisur një aksion kundër kontrabandës në veri të vendit. Banorët serb të Mitrovicës e kanë kundërshtuar aksionin. Ata kanë dal në protestë sapo ka rënë sirena e emergjencave, duke djegur një veturë me targa të Kosovës. Policia ka hedhur gazlotsjellës për t’i shpërndarë protestuesit.