×
  • Lajme
  • Lajme / Kosovë

    Reagon Molliqaj: Kurti po tenton ta kontrabandojë Asociacionin, do t’i kushtojë me rezistencë qytetare

    Insajderi
    08 October 2022 - 14:41

    Kryetari i Partisë Socialdemokrate, Dardan Molliqaj, ka thënë se tashmë nuk është sekrete korniza e re e dialogut në të cilën do të përfshihet edhe Asociacioni i Komunave me Shumicë Serbe.

    Përmes një shkrimi në Facebook, Molliqaj thotë se një gjë të tillë Kurti po përpiqet që ta mbajë sekrete dhe se po provon që ta shes Asociacionin me një emërtim ndryshe.

    Por, kreu i PSD-së thotë se kontrabandimi i Asociacionit nuk do të kalojë pa u kuptuar dhe ka paralajmëruar rezistencë qytetare.

    Reagimi i plotë dhe pa ndërhyrje i Molliqajt:

    Sekreti publik

    Çka mundet me qenë sekreti në dialog të cilin e ndajnë mes vete veç Kurti e Vuçiqi? Cili është ai moment që diskutimi me Vuçiqin u bë më i rëndësishëm sesa komunikimi me qytetarët?

    Por një gjë nuk është tashmë sekrete: korniza e marrëveshjes, pra Asociacioni i komunave me shumicë serbe. Sekreti qëndron tek vështirësia e titullimit, që Asociacioni të mos asociojë me projektin e vjetër të ndarjes etnike.

    Por kontrabandimi i asociacionit nuk do të kalojë pa u kuptuar, ndonëse jemi në procesin e dialogut më të mbyllur ndonjëherë. Kjo do të ju kushtojë me rezistencë qytetare.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark