Qeveria e Italisë miratoi planin për të rindërtuar dyshemenë në Koloseumin antik të Romës, për t’u dhënë vizitorëve mundësinë të qëndrojnë atje ku dikur kanë luftuar gladiatorët.
Projekti parasheh ndërtimin e dyshemesë prej druri që do të kapë shumën prej 18.5 milionë eurosh. Ndërtimi pritet të përfundojë në vitin 2023.
Aktualisht, monumenti 2.000-vjeçar nuk ka dysheme. Ajo është hequr nga arkeologët në shekullin 19, për të ekspozuar rrjetin nëntokësor të tuneleve, ku mbaheshin gladiatorët dhe kafshët, përpara se të fillonin sportet e përgjakshme. Koloseumi ishte amfiteatri më i madh në Perandorinë Romake.