Për Ronela Hajatin 2 shtatori është një datë speciale. Këngëtarja e njohur feston sot ditëlindjen dhe bën 35 vjeçe.
“Gëzuar ditëlindjen për mua. Jam shumë krenare për veten time”, është urimi që Ronela i ka bërë vetes në profilin e saj në “Instagram”. Ajo ka ndarë me ndjekësit disa fotografi, ku sigurisht nuk mungojnë urimet e shumta me rastin e ditëlindjes.
Për ju që nuk e dinit, Hajati është shenja e Virgjëreshës në horoskop, të cilën e tregon herë pas here në postimet e saj në “Instastory”.
Nga ana tjetër, kujtojmë se artistja ka qenë shumë e ngarkuar me projekte dhe koncerte këtë verë, duke u bërë një nga këngëtaret më të kërkuara në klube.
Dalja e parë e Ronela Hajatit në televizion shënon në moshën 4-vjeçarë në emisione fëmijësh. Që e vogël ka studiuar piano dhe balet, pjesëmarrëse në shumë festivale fëmijësh duke përmendur çmimin e parë në Tetovë, Maqedoni në Festivalin e vitit.
Më pas në moshën 12-vjecare ka qenë e pranishme në spektaklin “Kërkohet një yll”, duke vijuar 6 muaj më vonë si një konkurrentë e Talent-Show-t “Ethet e së premtes mbrëma” dhe arriti të kualifikohej deri në 30 këngëtarët më të mirë, ndonëse ende një fëmijë.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2024 Gazeta Online Insajderi - Të gjitha të drejtat e rezervuara.
