×
  • Lajme
  • Lajme

    Rritja e rasteve me Covid-19, Raka u reagon ashpër qytetarëve e politikanëve

    Insajderi
    21 June 2020 - 21:21

    Mikrobiologu Lul Raka ka reaguar sërish pas shtimit të rasteve me Covid-19 në vend, duke iu përgjigjur edhe njëherë gjithsecilit që pretendon që ky virus është gënjeshtër, shkruan Insajderi.

    Raka përmes një shkrimi në Facebook ka theksuar se faji për rritjen e rasteve është tek qytetarët.

    “Kësaj rritje i kemi kontribuar të gjithë: qytetarët, të cilët nuk i përfillin fare masat parandaluese. Por, edhe politikanë, të cilët vazhdojnë ta përdorin COVID-19 si monetë për kusuritje të ndërsjelltë”, ka shkruar ai.

    Në shkrimin e tij ai ka edhe një porosi të veçantë për politikanët, të cilët sipas tij po e përdorin COVID-19 si monetë për kusuritje të ndërsjelltë.

    Në shkrimin e tij, ai ka përsëritur rekomandimet e dhëna tash e një kohë nga Instituti Kombëtar i Shëndetësisë Publike; distanca fizike, vendosja e maskave, higjiena e duarve.

    Shkrimi i plotë i Rakës:

    Të dashur qytetarë të Kosovës,

    COVID-19 NUK është rrenë! Mund të prek TY ose më të dashurit Tuaj!

    Trendi i rritjes së numrit të rasteve në javën e fundit është shqetësues. Shtylla kryesore e përgjigjes ndaj pandemisë është kapaciteti shëndetësor i Kosovës, i cili po ngarkohet disa ditës!

    Kësaj rritje i kemi kontribuar të gjithë: qytetarët, të cilët nuk i përfillin fare masat parandaluese. Por, edhe politikanë, të cilët vazhdojnë ta përdorin COVID-19 si monetë për kusuritje të ndërsjelltë.

    Qytetarë të dashur, Ju lutem t’i zbatoni këshillat sot, sepse nesër mund të jetë vonë:
    1. Mbani distancën fizike kudo dhe gjatë tërë kohës. Kjo është komponenta kryesore në parandalim!
    2. Në vendet ku nuk mund të mbahet distancë, vendosni maska!
    3. Mbani higjienën e duarve!

    Politikanë të nderuar: Ju lutemi kthjelluni, bashkohuni dhe tregoni lidership në këto kohë të vështira.

    Parandalimi i sëmundjes është arma e vetme në duart tona!

    Vetëm së bashku e përballojmë këtë sfidë!

    Numri total i të prekurve që nga fillimi i pandemisë është 2 mijë 196,teksa deri më tani 1 mijë e 47 persona janë shëruar, ndërsa 36 persona kanë ndërruar jetë pasi janë prekur nga kjo sëmundje./Insajderi.org

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark