Kështu kanë deklaruar diplomacia rumune në një përgjigje përmes e-mailit për lajmi.net, duke shprehur rezervat e tyre nën pretekstin e respektimit të neutralitetit të BE-së.
“…Në këtë kontekst, qëndrimi i Rumanisë për liberalizimin e vizave për Kosovën është ende në analizë të brendshme, duke u nisur nga premisat e respektimit të neutralitetit të BE-së ndaj statusit të krahinës”, thuhet në deklaratën e MPJ-së rumune.
Në anën tjetër, ata kanë thënë se nuk ndryshojnë pozicion për njohjen e Kosovës, duke e quajtur sovranitetin e Kosovës si “shpallje të njëanshme” dhe duke iu referuar vendit si “krahinë”.
“Rumania nuk e ka ndryshuar qëndrimin e saj për të mos njohur pavarësinë e shpallur në mënyrë të njëanshme nga autoritetet në Prishtinë. Në të njëjtën kohë, Rumania synon të kontribuojë në rritjen e ndikimit të BE-së në rajonin e Ballkanit Perëndimor”, kanë deklaruar ndër të tjera nga MPJ-ja rumune.
Të njëjtit kanë përkujtuar se Kosova ka përmbushur të gjitha kriteret për liberalizim vizash që nga 2018-a.
Parlamenti rumun pati shprehur kundërshtinë për njohjen e pavarësisë së Kosovës që nga shpallja e saj, më 2008-ën.
“Kuvendi thekson se vendimi në Prishtinë dhe njohja e mundshme nga shtetet e tjera të pavarësisë së shpallur në mënyrë të njëanshme nuk mund të interpretohet si precedent për fusha të tjera”, thuhej në një njoftim të lëshuar nga kuvendi rumun një ditë pas shpalljes së pavarësisë së Kosovës.
Pesë shtetet anëtare të BE-së që nuk njohin ende Kosovën, përfshirë Rumaninë, janë edhe Spanja, Sllovakia, Greqia dhe Qipro.
Liderët kosovarë, si dhe diplomatët evropianë, kanë shprehur optimizëm se liberalizimi i vizave do të ndodhë këtë vit.
Më 9 nëntor, Grupi Punues i Këshillit Evropian të BE-së mblidhet të mërkurën në Bruksel për të diskutuar çështjen e heqjes së regjimit të vizave për Kosovën.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2024 Gazeta Online Insajderi - Të gjitha të drejtat e rezervuara.
