Rumania ka tre lojtarë të dëmtuar në prag të sfidës më të rëndësishme të 8 viteve të fundit. Kjo është kryefjala e mediave rumune në prag të sfidës Rumani-Shqipëri, përcjellë Gazeta Express.

Trajneri Anghel Iordanescu,duhet të bëjë llogaritë me mungesat e mundshme të Steliano Filip, Razvan Rat dhe Michael Pintilii.

Në këtë mënyrë, sipas të gjitha gjasave, trajneri rumun duhet të bëjë disa ndryshime të rëndësishme në rast se tre lojtarët e sipërpërmendur nuk do të jenë gati për të zbritur në fushë.

I vetmi tek i cili stafi ka shpresa për rikuperim në kohë rekord është mbrojtësi i majtë Steliano Filip, por në rast se ai nuk ia del mbanë, atëherë në fushë do të zbresë 26-vjeçari i Dinamos së Zagrebit, Alexandru Mael.