Presidenti rus Vladimir Putin ka nënshkruar një dokument duke bërë zyrtare tërheqjen e vendit të tij nga Këshilli i Europës.
Putin nënshkroi një dekret për shkarkimin e Ivan Soltanovsky nga posti i përfaqësuesit të përhershëm të Moskës në organizatën me qendër në Strasburg. Lajmi është bërë i ditur nga agjencia Tass.
Këshilli i Evropës, qëllimi i të cilit është të mbrojë të drejtat e njeriut dhe sundimin e ligjit dhe është i ndarë nga Bashkimi Evropian, pezulloi Rusinë më 25 shkurt, një ditë pasi ajo pushtoi Ukrainën.