20:36 - 26 Tetor 2021

Bildnummer: 56827039 Datum: 05.01.2012 Copyright: imago/PanoramiC SALI BERISHA (Premierminister Albanien) in Paris GerardRoussel/PANORAMIC PUBLICATIONxNOTxINxFRAxITAxBEL People Politik Porträt FRA x1x xkg 2012 quer 56827039 Date 05 01 2012 Copyright Imago Panoramic Sali Berisha Prime Minister Albania in Paris GerardRoussel Panoramic PUBLICATIONxNOTxINxFRAxITAxBEL Celebrities politics Portrait FRA x1x xkg 2012 horizontal

Ish-kryeministri Sali Berisha ka shpallur zyrtarisht kandidaturën për kryetar të Partisë Demokratike. Lajmin e bëri të ditur nga Kavaja në takimin e Foltores së tij me demokratët.

Berisha u bëri thirrje demokratëve që të mbledhin firmat për mbajtjen e Kuvendit Kombëtar të PD dhe deklaroi se një nga kandidatët në garë për kryetar të partisë do të jetë edhe vetë ai.

“Ftoj çdo delegat të Kavajës, çdo delegat të Kuvendit Kombëtar të firmosë për mbledhjen e Kuvendit, të firmosë për ndryshimet statutore, për ta shndërruar statutin në librin e rregullave të lirisë dhe dinjitetit tonë, të firmosë që të instalojmë primaret, të firmosë që të rikthejmë referendumin si formë direkte të qeverisjes suaj, të vendimmarrjes suaj, të firmosë natyrisht që ta hapim një garë në të cilën garantoj se çdo njeri që do hyjë në atë garë do ketë një garë të lirë. Natyrisht, njëri prej tyre do të jetë dhe Sali Berisha”, u shpreh ish-kryeministri.

Prej disa javësh, brenda Partisë Demokratike ka përplasje mes Sali Berishës dhe kryetarit Lulzim Basha, pasi ky e fundit e përjashtoi nga grupi parlamentar demokrat për shkak të shpalljes “non grata” nga SHBA.