Kryetar i degës së PDK’së në Skenderaj, Sami Lushtaku, ka premtuar se do ta ndërtojnë projektin “Memoriali i Daljes Publike të UÇK-së”.

Lushtaku bashkë me kryetarin e partisë Memli Krasniqi dhe kandidatin për kryetar të Skenderajt, Fadil Nura, kanë takuar banorët e fshatit Llaushë në kuadër të fushatës zgjedhore.

Ata kanë prezantuar para banorëve projektin madhështor që pritet të realizohet në qeversijen e Fadil Nurës.

“Në prezencën e kryetarit të partisë Memli Krasniqi, një projekt madhështor e prezentuam sonte para qytetarëve të Llaushës, për të ndërtuar edhe fizikisht Memorialin e Daljes Publike të UÇK-së. Këtë projekt do ta realizojmë në mandatin e ardhshëm qeverisës të Fadil Nurës në krye të komunës së Skenderajt”, ka shkruar Lushtaku.