×
  • LifeStyle
  • LifeStyle

    Se a ka ndonjë lidhje në mes të shëndetit të syve dhe demencës, flasin studiuesit

    Insajderi
    18 September 2021 - 23:09

    Aktualisht nuk ka trajtime efektive për të ndaluar përparimin e demencës. Prandaj, është e rëndësishme të identifikohen faktorët e rrezikut, veçanërisht ata që janë të modifikueshëm.

    Studime të shumta kanë identifikuar se faktorët kryesorë të shfaqjes së kësaj sëmundjeje janë: Obeziteti, depresioni, hipertensioni dhe diabeti.

    Nga ana tjetër, studimet po hetojnë për një lidhje të mundshme midis dëmtimit të shikimit dhe demencës.

    Për studimin, studiuesit morën 12 mijë e 364 të rritur të moshës 55-73 vjeç midis vitit 2005 dhe 2010 dhe më pas i ndoqën për 11 vjet deri në vitin 2021. Gjatë kësaj kohe, ata regjistruan 2 mijë e 304 raste të demencës me të gjitha shkaqet, së bashku me 945 raste të sëmundjes së Alzheimerit dhe 513 rastet e demencës vaskulare.

    Pjesëmarrësit me katarakt treguan një rrezik të shfaqjes së demencës prej 11 përqind dhe ata me sëmundje të lidhura me diabetin e syve kishin 61 përqind më shumë gjasa të përjetonin demencë.

    Dëmtimi i shikimit mund të jetë një nga manifestimet e para të demencës, ku stimulimi i reduktuar i rrugëve shqisore vizuale mund të çojë në një përshpejtim të përparimit të tij.

    Studiuesit gjithashtu theksuan se nevojiten më shumë kërkime për të përcaktuar nëse korrigjimi i humbjes së shikimit mund të zvogëlojë rrezikun e rënies njohëse.

    Sipas ekspertëve nëse jeni duke përjetuar humbje të shikimit, është e rëndësishme të konsultoheni me një okulist për të eksploruar mundësitë e korrigjimit të shikimit.

    Autorët arrijnë në përfundimin se katarakti dhe sëmundjet e syve të lidhura me diabetin, shoqërohen me një rrezik në rritje të demencës.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    Lexo edhe...
    OP-ED
    Nga Rubrika
    LifeStyle
    28 March 2024
    LifeStyle
    28 March 2024
    LifeStyle
    27 March 2024

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark