×
  • Sport
  • Sport / Insporti

    Sheikët e Mançester City i besojnë Erjon Bogdanit detyrën shumë të rëndësishme te klubi i ri

    Insajderi
    11 August 2022 - 15:11

    Erjon Bogdani kthehet përsëri në futbollin aktiv dhe do e bëjë me një rol shumë të rëndësishëm në një nga klubet më historike të futbollit italian.

    Ish-sulmuesi i përfaqësueses shqiptare, është emëruar në një detyrë të rëndësishme në klubin e ri që kanë blerë së fundmi sheikët e Mançester Sitit.

    “City Group” me në krye emirin nga Emiratet e Bashkuara Arabe, Khaldon el-Mubarak, ka blerë pak muaj më parë klubin e Palermos, me objektivin që ta kthejnë shumë shpejt në një superfuqi edhe në futbollin italian.

    Planet e klubit janë që të ketë një zhvillim të shpejtë dhe nga Seria B, të bëjnë hapa para për kthimin sa më të shpejtë në elitë. Por ndërsa planet e klubit janë që të bëjë këtë hap të shpejtë nëpërmjet merkatos, po punohet paralelisht edhe me të ardhmen dhe zhvillimin. Këtu hyn në skenë Erjon Bogdani.

    Ky i fundit është emëruar në rolin e shefit të skautëve për futbollin e të rinjve, që ka për detyrë të monitorojë talentet që klubi do të tentojë të afrojë në akademinë e tij.

    Bogdani ka qenë edhe më parë pranë futbollit të moshave dhe ka njohuri të mira rreth tij, pasi për dy vite, 2017-2018, ka drejtuar përfaqësuesen U19 të Shqipërisë.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark