Teksa tërmeti tragjik që ka prekur Turqinë dhe Sirinë ka shkaktuar mijëra viktima mësohet se ndër njerëzit që kanë humbur jetën janë edhe aktoret turke, nënë e bijë Emel Atıcı dhe vajza e saj Püryan Atıcı.

Ato janë bërë të njohura në serialin, Bir Zamanlar Çukurova, i cili mbahet mend si një projekt mjaft i suksesshëm që u shit jashtë vendit falë këtyre aktoreve.

Trupi i aktores Emel Atıcı është gjetur i pajetë në rrënojat e ndërtesës ku ajo jetonte pranë vajzës së saj, Püryan Atici, siç ka konfirmuar edhe producenti i serialit.

“Jemi thellësisht të pikëlluar për humbjen e Emel Aıcı dhe vajzës së saj Püryan Aıcı, aktores së serialit tonë televiziv Bir Zamanlar Çukurova, në fatkeqësinë e tërmetit në vendin tonë. Urojmë mëshirën e Zotit për Emel Aıcı-n dhe vajzën e saj të dashur. Ngushëllimet tona për familjet që humbën të dashurit e tyre në tërmet”-ka shkruar producenti.