Jasir Asani shkoi historinë në kampionatin hungarez të futbollit me skuadrën e Kisvard, që u rendit në vendin e dytë pas Ferencvarosh, duke siguruar një biletë për në Europë.
Kjo ishte hera e parë në historinë e këtij klubi, që arkivonte një objektiv kaq madhor sa Europa. Për këtë kanë meritë padyshim 3 futbollistët shqiptarë të Kisvardit, Prenga, Asani dhe Çamaj, që me paraqitjet e tyre, ndihmuan ekipin për të zënë vendin e dytë.
Për sa i përket Asanit, ishi i Partizanit, arriti të shënonte 6 gola në 29 ndeshja, teksa kontrata e tij me klubin hungarez përfundon më 30 qershor të vitit 2024.
Nëpërmjet një postimi në faqen zyrtare në “Instagram”, Asani ka ndarë me fansat emocionet e këtij suksesi historik, duke shkruar:
Jam shumë krenar që jam pjesë e këtij grupi, për këtë ekip dhe për këtë klub. Për herë të parë në histori, ne arkivojmë një objektiv të madh, për herë të parë shkojmë në Europë.
Pas një sezoni të shkëlqyer, ne patëm rezultate të shkëlqyera dhe tani është koha për të bërë histori në Europë. Të gjithë së bashku, ne mund të bëjmë gjëra të mëdha dhe jam i sigurt se do të bëjmë.