Kryetari i Komunës së Prishtinës, Shpend Ahmeti, ka sqaruar situatën e krijuar pas një ndërprerjeje të gjatë të rrymës nëpër disa lagje të Prishtinës.

Sipas Ahmetit, KEDS po e lëshon energjinë elektrike, mirëpo rrjeti nuk po është i aftë që ta mbajë përçimin e mëtutjeshëm të rrymës.

Ai këtë sqarim e bëri përmes llogarisë së tij në Twitter.

“Sipas informatave nga KEDS disa herë pasi e kanë lëshuar rrymën nuk po e mban rrjeti. KOST nuk ka mundur ta rregullojë, ndërsa KEDS po punon në një lidhje alternative dhe gjithmonë sipas KEDS rryma do të lëshohet shpejtë”, shkroi Ahmeti.

Një nga lagjet që ka mbetur më gjatë se 12 orë pa rrymë në Prishtinë është Bregu i Diellit.