×
  • Lajme
  • Lajme

    Shqiptarët e Anglisë krijojnë fond humanitar për familjen e policit Izet Demaj

    Insajderi
    30 December 2018 - 18:26

    Me iniciativën e Valmira Hoti-Llabjanit dhe burrit të saj, Valon Llabjani, është formuar një fond humanitar dedikuar familjes së policit të vrarë Izet Demaj.

    Ka dy ditë që fondi është bërë aktiv në Facebook, ndërkohë që janë grumbulluar afro 16 mijë euro, raporton KosovaPress.

    Iniciatorja Valbona Hoti-Llabjani, ka thënë për KosovaPress se synimi i tyre është që të grumbullojnë 20 mijë euro, por që shuma nuk është e kufizuar.

    “Qëllimi i këtij fondi është që t’i vijmë në ndihmë familjes që i ndjeri ka lënë pas, pra gruas dhe vajzave të tij, dhe njëkohësisht është përkrahje për punën që policia e Kosovës bën për të siguruar jetën e qytetarëve”, tha ajo.

    Sipas saj, kjo është vetëm një ndihmë simbolike krahas humbjes që ka pësuar familja Demaj, ndërkohë që tregon se ka gjetur përkrahje edhe nga shqiptarët e diasporës.

    “Kemi përkrahje të madhe nga gjithë diaspora dhe Kosova, Maqedonia, Shqipëria e Kosova Lindore. Fondet janë transparente, çdo kush mund ta shohë shumën dhe emrat e atyre që dhurojnë”, ka thënë Hoti-Llabjani.

    Njëherësh, ajo ka njoftuar që mundësia për të kontribuar në këtë fond, do të jetë e hapur deri më 15 janar 2019.

    Polici Izet Demaj u vra më 27 dhjetor të këtij viti, në tentim të parandalimit të një grabitjeje në një bankë të Istogut. /

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark