Në fshatin Rekë të Mitrovicës, ka humbur jetën një motoçiklist, kjo si pasojë e një aksidenti me një veturë.
Lajmin për Gazetën Insajderi e ka bërë të ditur Avni Zaiti, zëdhënës nga policia rajonale e Mitrovicës.
Siç bën të ditur policia, aksidenti kishte ndodhur rreth orës 16:00.
Derisa, bëhet e ditur se motoçiklisti ishte i moshës 67 vjeçare.
“Një aksident trafiku me pasojë fataliteti është raportuar sot rreth orës 16:00, në rrugën rajonale Mitrovicë-Podujevë përkatësisht në fshatin Rekë të Mitrovicës. Në aksident janë përfshirë një motoçikletë dhe një veturë, ku si pasojë e lëndimeve të pësuara ka humbur jetën ngasësi i motoçikletës viktima N. Z., 67 vjeçar” – njofton Policia.
Lexo edhe: