Punëtorët e një projekti të përbashkët në sektorin shëndetësor mes “Caritasit” të Kosovës dhe Komunës së Ferizajit ka më shumë se 6 muaj që nuk marrin pagat, për shkak të bllokimit të xhirollogarisë së Komunës.
Edhe pse qe 6 muaj nuk marrin rroga, Ministria e Financave, Punës dhe Transfereve e cila udhëhiqet nga Hekuran Murati nga lëvizja Vetëvendosje po nga i njëjti vend, si duket nuk brengoset e as nuk reagon mbi këtë çështje.
Gazeta Insajderi ka provuar të marr përgjigje rreth kësaj por që nuk kanë kthyer përgjigje.
Menaxheri i kontratave për këtë kategori punonjësish shëndetësor nga “Caritas”, Xhevdet Haxhidema tha për Insajderin se tashmë dhe mjetet që kanë qenë për shëndetësi janë marrë nga përmbaruesit. llogaria vazhdon të jetë e bllokuar.
“Ende nuk është bërë pagesa, tashmë dhe mjetet që kanë qenë për shëndetësi janë marrë nga përmbaruesit. llogaria vazhdon të jetë e bllokuar”, tha Haxhidema.
I pyetur se a kanë marur ndonjë përgjigje nga ministria e Financave, Punës dhe Transfereve se kur mund të lirohet llogaria e komunës, ai u shpreh se “Akoma jo”, shkruan Insajderi.