×
  • Lajme
  • Lajme

    Sot mbahet seanca fillestare ndaj Pal Lekajt për keqpërdorim të detyrës

    Insajderi
    14 April 2017 - 09:12

    Në Gjykatën Themelorë të Gjakovës sot do të mbahet seanca fillestare ndaj Pal Lekajt, lidhur me akuzën për keqpërdorim të pozitës zyrtare gjatë kohës sa ka qenë kryetar i komunës së Gjakovës.

    Seanca pritet të filloj nga ora10:00.

    Insajderi ka provuar të kontaktoj me avokatin e Lekajt, Arianit Koci mirëpo ai nuk është përgjigjur në telefon.

    Aktakuza ndaj Pal Lekajt tash Shef i Grupit parlamentare të AAK-së, ishte ngritur nga Prokuroria Speciale në fillim të muajit shkurt. Lekaj dhe dy ish-zyrtarëve të komunës së Gjakovës, akuzohen  për veprën penale “keqpërdorim i pozitës apo autoritetit zyrtar”.

    Sipas pretendimeve të PSRK-së, “ish-kryetari Lekaj së bashku me ish-drejtorin për Buxhet dhe Financa dhe me ish-menaxherin e Prokurimit, po të njëjtës komunë, gjatë muajit mars të vitit 2012, në bashkëkryerje duke kontribuar esencialisht në raport me njëri-tjetrin, duke shfrytëzuar detyrat apo autoritetin zyrtar kanë tejkaluar kompetencat dhe autorizimet e tyre më qëllim që të përfitojnë çfarëdo dobie për vete apo personin tjetër, që t’i shkaktojnë dëm Komunës dhe banorëve të saj”. /Insajderi.com

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark