×
  • Lajme
  • Insajderi

    Sot rifillon puna në ambulancat specialistike në ShSKUK

    Insajderi
    22 September 2021 - 08:55

    Shërbimi Spitalor Klinik dhe Universitar i Kosovës (ShSKUK) ka bërë të ditur se nga sot do të rikthehet puna në ambulanca specialistike, për shkak të rënies së numrit të pacientëve të hospitalizuar me COVID-19.

    Në njoftimin për media bëhet e ditur se do të bëhet edhe dezinfektimi i hapësirave.

    Po ashtu, nga e hëna janë liruar edhe hapësirat e klinikave interne dhe aty më nuk ka pacientë me COVID-19.

    “Shërbimi Spitalor Klinik dhe Universitar i Kosovës ( ShSKUK), njofton se nga data 22 shtator 2021 ( e mërkurë), do të rikthehet puna në ambulanca specialistike,  për shkak të rënies së numrit të pacientëve të spitalizuar me COVID-19”, thuhet në njoftim.

    Ndryshe, sipas të dhënave nga Instituti Kombëtar i Shëndetësisë Publike të Kosovës në total numri i rasteve aktive me coronavirus është 7,635.

    Derisa numri i përgjithshëm i të shëruarve është 148,781, nga coronavirusi kanë vdekur 2,912 persona.

    Në 24 orët e fundit janë dhënë 17.643 doza të vaksinës kundër COVID-19.

    Prej fillimit të vaksinimit në të gjitha qytetet e Kosovës janë dhënë 1.193.786 doza të vaksinës.

    Deri më sot 453.760 qytetarë janë vaksinuar me dozën e dytë.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark