Ndonëse ministria e Shëndetësisë kishte kërkuar anulimin e eventit “Black Friday”, kjo nuk po respektohet aspak nga qendrat tregtare në Prishtinë.
Në “Albi Mall” janë krijuar turma njerëzish, pa maska e pa distancë të cilët janë mbledhur për të blerë mallra në zbritje, shkruan lajmi.net.
Një lexues i lajmi.net ka dërguar video në redaksinë tonë, teksa shihet grumbulli i madh i njerëzve në njërin prej dyqaneve të kësaj qendre tregtare.
Kjo dukuri po ndodhë ani pse policia dhe inspektorati kishin paralajmëruar dënime të ashpra për ata që shkelin masat në fuqi.