Pas më shumë se dy muaj që kur Qendra e Stduentëve në Prishtinë është shndërruar në karantinë për të kthyerit kosovarë nga shtetet e jashtme.

E, që nga sot studentët që kanë banuar në konvikte janë lejuar që pas një kohe të gjatë t’i marrin gjërat e tyre që ju kanë mbetur në Qendrën e Studentëve, përcjell Insajderi.

Por, jo të gjithë kanë qenë të kënaqur me mënyrën se si i kanë gjetur gjërat e tyre.

Madje, disa studentë këtë e kanë shprehur edhe publikisht.

Një studente ka publikuar në profilin e saj në Twitter dy fotografi derisa shkruan se e ka gjetur kutinë e saj të kursimeve të thyer.

Për këtë kjo studente i ka fajësuar punëtorët e Qendrës së Studentëve.

“Sot në konviktin nr.III e gjeta kutinë time të kursimeve në këtë gjendje prej punëtorëve të Qendrës së studentëve, dmth kur i kanë mbledhë senet që i kem pas jashtë dollapave e kanë thy. Nuk ka lidhje shuma po kaq të sigurta i kemi gjërat tona. Tmerr”, ka shkruar kjo studente.

Për dy muaj në Qendrën e Studentëve janë karantinuar rreth 1 mijë e 300 persona, ndërsa aktulisht në këtë qendër gjenden 63 persona./Insajderi.org