Sot fillon java e 32-të në Superligën e Kosovës në futboll, raporton Insporti.

Takimi kryesor do të zhvillohet në Gjilan, aty ku Drita e pret ish kampionin e Kosovës, Feronikelin që në xhiron e fundit pësoi disfatë befasuese nga Arbëria.

Intelektualët në këtë ndeshje synojnë tre pikë dhe ta përmisojnë hapin fals të cilin e kanë bërë në xhiron e kaluar.

Duel interesante do të jetë edhe ai në Podujevë, pasi Arbëria pritet të përballet me Gjilanin. Dobrajasit kanë kthyer shpresat për qëndrimin në elitë dhe fitorja e fundit përball Feronikelit po i jep motiv ende me të madh, ku synojnë edhe tre pikë ndaj kuqebardhëve. Ndërsa të besuarit e Ismet Munishit nuk kanë asnjë objektiv dhe pozita e tyre është komode në renditje tabelare, ku në këtë ndeshje do të jenë pa presion.

Takimi i tretë për këtë ditë zhvillohet në Mitrovicë, ku do të përballen Trepça ’89 me Besën. Mitrovicasit kërkojnë vetëm triumfin për t’i ikur zonës së rrezikut, ndërsa pejanë të cilët janë përshendetur nga elita kërkojnë të bëjnë befasin edhe në “Riza Lushta”.